María Björg Ágústsdóttir

María Björg Ágústsdóttir

Fædd árið 1982 og ólst upp í Garðabænum. Fór úr Garðaskóla í Verzlunarskólann þaðan sem ég útskrifaðist árið 2002. Flutti svo til Cambridge, Massachusetts í Bandaríkjunum þar sem ég útskrifaðist síðastliðið sumar með Bachelor gráðu í hagfræði og er núna að vinna í mastersgráðunni í Management Research í Englandi.

Spilaði fótbolta af miklum krafti í mörg ár; var markmaður hjá Stjörnunni til 2003, en flutti mig svo yfir til KR árið 2004 og spilaði með þeim tvö sumur ásamt því að vera leikmaður kvennalandsliðsins frá árinu 2000. Hætti "keppnisiðkun" haustið 2005, en hef síðan verið að leika mér annað veifið við að spila fótbolta, nú síðast með skólaliðinu hér úti í Englandi. Aldrei að vita nema keppnisskórnir verði teknir fram að nýju!

Þykir vænt um lífið og allt sem það hefur upp á að bjóða, jafnvel þær stundir sem orsakast af því að áttavitinn týnist um stundarsakir--því ég hef lært það að betri áttavita mun ég oftast finna í staðinn.